Proces Readmisije u Beogradu
Povećava se procenat Roma među povratnicima u Srbiji, a u toku ove godine 82 odsto povratnika bilo je upravo romske nacionalnosti. Grad Beograd pokušava da se izbori sa problemom povratnika po sporazumu o readmisiji, uglavnom pripadnicima romske zajednice, pošto su upravo oni najčešći potražioci azila u zemljama zapadne Evrope. Nemačka je od 2000. godine u Srbiji sa više od 1,6 milijardi evra realizovala projekate obezbeđivanja vodosnabdevanja, grejanja i ostale infrastrukture, a sa tri miliona evra finansirala snabdevanje vodom neformalna romska naselja.
Projekat „O nama je reć – Amendar kerol pe lafi“ sufinansiran iz budžeta Republike Srbije – Ministarstva kulture i informisanja, ,,Stavovi izneti u podržanom medijskom projektu nužno ne izražavaju stavove organa koji je dodelio sredstva”, projekat realizuje Roma World.
Procesi tari readmisija ko Beogradi
Migrantsko kriza khuvol em ki Srbija nekobor drom, but po anglal tari akaj em nevi taro Blisko istok thaj Azija. Ko 2000.bersh, tari amari phuv nasle but milje manusha chorore thaj bizi buti, em but Rroma kola rodenaj azil ko phuvja tari EU.
Sar e Srbija ramosardja Sporazum tari stabilizacija thaj asocijacija thaj uli ki adjaharakhardi „parno Shengen“, numa khuvdja ko rndo taro phuvja kola shaj te ikeren privilegija taro bizo vizako rezhimi e phuvjencar tari EU, ko zor o sporazum tari readmisija, numa iranipa taro manusha kola bizo lila djivdinena ki rashtra tari EU, te iranen pe ko ple phuvja.
E Srbija, uzaro odova so ramosardja sporazum e Evropake unijaja 2007.bersheste, ramosardja o bilateralne sporazumija tari readmisija e Norveshkaja, Rusijaja, Kanadaja thaj Shvajcaskaja.
Foro Beograd kerol sa ko reso taro problemi e manushencar kola iranenape ki readmisija, em but e rromenge, soske on tane odola so em but rodena azil ko phuvja tari Zapadosi Evropa, phenol Damir Kojavinovich taro migracijako servisno centro thaj phenola kaj o foro Beograd shukar buti kerola ko akava problemi, numa valjanol panda po buderi te kerolpe.
Ko institucionalno gndipa, shukar. Isi LAP koleja avol pe ko reso puchipa taro manusha kola iranenape premalo sporazum tari readmisija. Isi em nesave budjetsko thajra. Numa, odova naje kobor valjanol thaj valjanol panda po buderi te kerol pe buti ko pendjaripa taro manusha kola iranenape thaj olengere problemija. Okova soj shukar, amen ko akava rotalo astali sineamen em jek manush so irandjape, kova phenol kola oleskere problemija, kolencar ov dikholpe thaj odova naje ćhilale, te amen thaj predstavnikija taro institucije valjanol te shuna save odola problemija thaj so valjanol te kera te odole manushenge azhutinolpe, te oven so poshukar integrishime.
Panda jek problemi koleja dikhenpe o Rroma ki Srbija ovol ki diskriminacija so but po phare kerol o than olengoro thaj okola kola irame ki readmisija. Odoleske ko agor taro akava bersh ka oven obuke basho manusha taro rromano amalipa, thaj manusha kola ki funkcija, phenola nacionalno koordinatorka ko programi basho migrantija Olivera Pantovich.
Cilj taro akala obuke te on oven po zorale, em but povratnikija premalo sporazum tari readmisija. Kana o lafi tari korkorobuti te oven po zorale, te sikava olenge o drom, te sikava so on shaj te keren thaj te oven spremna te korkore djan ko preduzetnishtvo. Amari ciljno grupa, manusha tari readmisija, e obuka kerdi taro biznis ideja. Adjahar ovol olen slika thaj profili tari peste. Avena dji ko djandlipa taro talentija thaj djandipa. Odova mangaja te kera po zorale thaj te ovol olen so po shukar shaipa. Odoja tani jek ulavdi metodologija taro odova trening. Te on prekali grupno ideja aven dji ideja. On korkore kerena olen thaj ovol olen po shukar slika tari ideja. On keren ola po zorali ko grupe.
Damir Iseni, jek taro manusha kola djan ki akaja obuka, phenol kaj sine ole problemi kana rodol buti, maj anglal soj Rrom. Odova sebepi ple familijaja andja shaipa te djal ki Germanija.
Me sijum mashin-bravari.Rodindjum buti, na arakhljum. Odoleske, sar te phenav tumenge, so sijum Rrom. Amen po phare avaja dji buti. Rodindjum drom ki Srbija, ama na arakljum. Po palal geljum ki Germanija. Khoni na phenlja mange, numa premalo vakeripa, shukar odori. Geljum, ko azil. Palo trin ćhon, djandjum e ćhib, soske siljovavaj ki sikavni, rodindjum buti. Nashti sine te arakhav buti, soske valjanol odori te ovav 15 ćhon, palo odova shaj sine te lav dozvola bashi buti. Sijumaj odori 15 ćhon, numa alo mange akharipa te dav bari izjava, thaj liljum“ apšigung“. Mora sine te itnape khere. Me mangav te phravav bravarsko-limarsko radionica. Odoleske so gndinav kaj odoja buti shukar. But bersha kerava odoja buti, thaj djanava ola, numa najema podikeripa.najema soja te kerav buti, najema alati. Em shukar te aćhol pe khere. Avrijal tumaro kher sijen nashalde. Nashti khoni te dol tumen amalikane vas. Akate ki Srbija gndinav kaj phravdjon shukar shaipa bashi amende. Odoleske apeluinav pi sarijende, dal tane Rroma numa na, te aćhon akate thaj te roden shaipa bashi buti. Pachav kaj ka azhutinen thaj ka ova suksesne ko odova.
Bajrol o procenti taro Rroma mashkaro manusha kola iranenape ki Srbija, ko akava bersh 82% sine taro rromano amalipa. I Germanija ko 2000 bersh ki Srbija po but taro 1,6 milijarde evrija te realizuinol projektija kola sine basho pani, tacharipa thaj aver infrastruktura, a trin milionija evrija ko pani basho naformalno rromane beshipaske thana. Numa, amende isi trend kova bajrol taro rromano amalipa kola rodena azil ko phuvja tari zapadosi Evropa, em but ki Germanija.sebepiProjekti „O nama je reč – Amendar kerol pe lafi“ sufinansirimo taro budjeti e Srbijako – Ministreumi tari kultura thaj informishiba, „Gndipa kola phenenape ko akava projekti, na sikavena gndipa taro organija kola dindje thajra“ projekti realizuinol projekti Roma World.ja basho azil na shukar beshipaske thanam bizi buti, diskriminacija thaj stereotipija kola djana premalo rromano amalipa ki Srbija.
