Obrazovanje iz ugla Romkinja u Ćupriji
Obrazovanje kao najvažniji segment društva je prepoznat i od strane Romkinja, tako da ako imate u porodici obrazovanu majku, suprugu, sigurno ćete imati i obrazovanu decu. Unapređenje obrazovanja u romskoj zajednici je između ostalog prepoznato kao važan segment u svim državnim dokumentima u poslednjih 20 godina. Poslušajte našu radio emisiju o obrazovanu u Ćupriji.
Sikljovipa taro Rromnjengo dikhipa ki Ćuprija!
Sikljovipa e rromnjengo uslovimo but buchencar, maj anglal patrijarhateja kova tano sikavdo ko rromane beshipaske thana. E rrola e dhivljaki tani te ovol domachica, daj numa rromni, te kerol buti ko kher, te dikhol e phurederen. Ki odoja rrola , olakori edukacija na valjanol odoleske o Rromnja aćhona ko margine taro amalipa, numa familija. Ola tane naedukuime numa hari edukuime.
Jasmina Nikolich, taro NGO sektori thaj ćlanica tari grupa basho phagipa tari diskriminacija ko POmoravsko regioni ko amaro puchipa, sar o stereotipija dikhenape ko sikljovipa e rromnjengo, phendja kaj but phare te maretut prekalo pobut bershenge stereotipija thaj predrasude, numa reso shaj ovol.
But ćhilale sikavipe thaj ovol manifestacija. Ki familija isi otpor premalo sikljovipa. Sar taro dada thaj daja premalo ćhave, esjahar em e ćhavenge ćhivelape otpor premalo sikljovipa thaj edukacija, so naje shukar.
Oj kerdja lai em taro problemi taro mukhipa taro sikljovipa ko fundono thaj mashkaruno klase thaj kobor importantno te so po buderi kerela pe lafi taro sikljovipa e rromnjengo thaj so odova anol olenge.
Sikljovipa tano angluno djajba anglal thaj djangavipa taro godi kaj svako manush valjanol te djanol ple kvalitetija thaj te ovol ko shaipa te korkori pes dikhol, thaj te normalno djivdini ko plo amalipa, numa em avere manushencar.Sasha Jovanovich taro rromano beshipasko than Vashashishte tari Chuprija, numa studenti ko trito bersh tarofilozofsko fakulteti ko Nishi, kerdja laffi taro odova kobor importantno o sikljovipa e rromnjengo, kova uticinol ko sa o rromano amalipa.
Ako o rromnja edukuinenpe sar valjanol, on odova ka den em ko ple ćhave, odova importantno basho sa o amalipa.ako e rromni nashi te krokori zaradini, oj ka trpini svashto. Ako shaj kerela thajra thaj azhutinol ko kher, olakoro rom ka respektuinol ola, a oj da ka respektuinol korkori peste. Ako na anol khanchi, osetinipe po tele tari sarijende. Hakaesko okviri ki Republika Srbija djanenape, fundono sikljovipa tano obavezno, prandipa ko na pherde 18 bersh nashti ovela.numa panda naje rezultatija kola adjikerenape, am ako anglal o 15 bersh ćhivjdpe asistentija ko fundone sikavne. But rromane familije aćhile phanle mashkaro chororipa rhaj nasikjlovipa.
