Romkinje i politika

Veliki broj udruženja Roma i Romkinja koje su svoje delovanje do sada svodili na projektno angažovanje, smatraju da je politička participacija manjinskih zajednica, a naročito romske, od suštinske važnosti za upaređenje položaja romske nacionalne manjine u Srbiji. Poslušajte našu emisiju.

Rromnja thaj politika!

Amalipa e Rromjengo “Me sem importantno” taro Kragujevac, organizuindje jek set taro radionice thaj seminarija ko ćhon novembri thaj decembri, ki tema tari politikani participacija taro Rromnja ki Srbija, sar bi kerenaj po zorale o kapacitetija taro terne Rromnja thaj te vazden o gndipa taro politikano keriba buti taro minoretetijengo amanipa.

Koordinatorka taro tim bashi implementacija taro akava projekti Snezhana Davidovich phenela kaj ko mangipa e interesuipaja taro rromnja thja o teme sine shukar ashundle taro djuvlja ko radionice.

Me sijum but bahtali akale agorutne seminareja kova sine duj dive thaj kova sine ole cilj te kerol sa e ćlanicen taro mrezhe taro sa minoretetijenge grupe thaj te amalikane kera lafi thja odova te ovol jek djaipa anglal ko strateshko planirinipe kova ka ovol ko avutne ćhon.

Sherutni tari multietnikani fondacija taro Kraljevo, Maja Jakov phenela kaj taro 90-te bersha sa dji avdive aktivnp ko sa o elekcijake procesija thaj te olako djandipa kerela lafi taro odova so o Rromnja hari numa ni hari na sine ole participacija ko ni jek niveli taro zor.

Taro 90-te bersha aktivno lava than ko elekcijake procesija, ko lokalno, pokrajinsko thaj republikane elekcije. Magljum te sarijenge kola tane ko akava seminari sokakav mle nesave djandipa  thaj akaja tani jek sesija koja kerdja mange suprajz ple aktivitetija.

Alija Sadik, manush so dol godi bashi rromani participacija ki politikani buti taro Beogradi, phenela kaj o Rromnja kop o pharo than nego li javera djuvlja ki Srbija, sebepi taro bute dromengi diskriminacija thaj degradiripa ko amalipa. Odoleske valjanol te kerolpe shaipa bashi olengi politikani butekeribe.

O Rromnja ko but po phareo than numa avera djuvlja. Em but kana keraja lafi tari politikani pasrticipacija. Ola tane ko marhine taro amalipa kova na mukhol olen tea kana len than ko politikano djivdipa e Srbijako.

Jelka Markovich taro Kragujevac, koja lilja than ki akaja radionica phenela te so po sig baro gendo taro Rromnja len than ki politika thaj te ola sare den pli buti kop o shukar than taro rromano amalipa.

Gndinav kaj amen da valjanol te da sa tari amende, sar bi amaro than ovolaj po shukar. Em buderi amen o Rromnja so isi amen rromani elita koja zorali, numa na dićhol kobor valjanol. Odova pokret valjani te zorarkerolpe. Gndinav kaj ućhardjam sa o nivelija, numa akava samo starto.

Baro gendo taro amalipa kola pli buti kerena samo prekalo projektija, phenena kaj politiani pasrticipacija taro minoritetija, em but rromani, importantno basho djaipa anglal taro rromano amalipa ki Srbija. Ko avutne elekcije, kla adjikeren amen ko 17.decembri naje te ovol nijek rromani politikani partija. Soske odova adjahar? Da li o rromano analipa naje hazri sar valjanol basho politikano mahreba numa sistematikano olenge aćhavdo te keren buti ki politika, numa o zor ćhivena olen ko projektno anggazhuipa kla tane tukne ko vakti thaj na anen reso ko lungo drom.