Reproduktivno zdravlje mladih u Ćupriji
Reproduktivno zdravlje mladih Roma i Romkinja je donekle tabu tema, ali zahvaljujuči NVO sektoru i zdravstvenim medijatorkama sve prepreke se prevazilaze zajedničkim snagama. Poslušajte našu emisiju.
Reproduktivno sastipa taro terne Rromnja thaj Rroma
Sastipasko centro ki Jaodina ko amalipe trine Rromane NVO taro Pomoravsko okrugo, ko 1. oktobri startuindja projekti telal o anav „ Reprodukcijako sastipa taro terne „Roma thaj Rromnja“ kova ka implementiripe dji ko agor taro 2023.bersh.
Ki angluni radionica kerdjape lafi taro planiranje e familijako, kontracepcija thaj polne nasvalipa.
Zvezdana Brankovich sastipaski medijatorka tari Jagodina, phenela kaj akava projekti but importantno basho sa manusha taro rromano amalipa.
Odova tano trening kova isi ole shtar radionice. Akaja tani angluni radionica ki tema mangipa. Aver ka ovol sar te planirinolpe familija, palo odova kontracepcija thaj polne nasvalipa .
Serija taro edukativno radionice terne Rromencar thaj Rromnjencar maj anglal isi olen cilj te popravini ćhilali slika taro informishipa taro terne taro reproduktivno sastipa, phendja sherutni tari patronazhno sluzhba taro kher e sastipasko ki Jaodina Jelena Milovanovich.
Shaj te phenav Kaj akava importantno basho ćhave kola rroma thaj paćav kaj khanchi ka sikljon . Thaj ka shaj te odova ovol olen shaipa te menjini olengoro gndipa ki akaja tema thaj teme kola ka oven amen ko avera sikljovipa. Pachav kaj kontinuirime bućhaja, romane populacijaja, adolescentijencar, ka anol dji o po shukar bucha mashkaro terne.
Ćhave kola lile than ko radionice phendje so shaj sine te sikljon taro polno nasvalipa, sar te arakhenpe thaj kobor odova olenge ka ovol importantno ko olengoro avutno bajraripa.
Ki akaja radionica, teta Zvezdaba kerdja amencar lafi taro nasvalipa, thaj kobor on ćhilale, sar shaj astarenape thaj sar te arakhamen. Avdive sikljiljam taro khanchi so dji akana na djandjam, e Zvezdana sikavdjamen sar te arakhamen thaj sar te djivdina. Avdive sikljiljam taro HIV thaj SIDA, sar te arakhamen thaj sar astarolpe.
Agorutno zadatko taro akava projekti te azhutinol e ternenge ko reso taro negativno sastipaske trendija kola tane ko erne Rroma thaj Rromnja, sar soj navakteske seksualno bucha numa sikavipa taro polno nasvalipa.
