DUJ POSLANIKIJA KA ZASTUPINEN AUTETICNE ROMANE INTERESIJA KI SKUPSTINA KOSOVO.

Potparol ki lista romani inicijativa  Gazmen Salijevich vakerdja basi Produkcija Roma World taro agorishime vandredno parlamentarno elekcije ko Kosovo.

Dindja plo phenipa ko puchiba e zhurnalistesko e produkcijako, soj i Romani Inicijativa , save lake ciljija hem savi rola hinelen ke akava elekcijako proces . Gazmen Salijevich phendja da o agor 20 hem vise bersha o roma taro Kosovo ,ko thana kaj o gadje tane vechina , na hinelen lenge prestavnikija , hem na hine ko kotor e politikako hem javno dzivdipasko.

Kana ramosardepe o Anglevakteske parlamentarno elekcije ko Kosovo baso 13. februari jek tikni grupa entuzijaista diklja prilika te mobilishinen jek numero e biracijengi  . Suksesno organizujinamen , hem te registrujinamen dizutni inicijativa , te formirina lista bas 12 kandidatija baso poslanikija bas skupshtina Kosovo . hine amen manusa , volonterija kotar Mitrovica dji Kamenica , Grachanica Vuchitrn , Obilich Priluzhija , Kosovo Polje , Lipljan , odola tane tana kaj hinama amen te kera buti . Odova so sar dizutno pokret hineamen cilji hem okova so beshola amenge ko program , a odova tano:

1. Socijalno pravda bas o Rroma

1. Jekhipa anglo Hakaja ko Kosovo

3. Trito stavka  bi saj hine te definishinolpe sar – integracija hem asimilacija na !

4. Sar shtarto tachka i shtarto temelji – respekti baso hakaj e romengo ko  sa o gndipa thaj ke sa oblikija.

Odova tano shtar stubija hem princpija ke savo kerdjam akija inicijativa” vakerdja o Salijevich.

Ko puchiba e zhurnalistisko so znacinol o slogan  – Intergracija oja , Asimilacija na, Gazmen Salijevic vakerdja :

Ko celo balkan tok integracije Romengo nasaldjol identiteti romane amalipaske , sebepi o khuviba ki buti , stipendija ili bilo so shaj te kerol shaipa hari poshukar djivdipe ko rromno amalipa , o manusha but droma namangen te izjasninen pe sar Rroma ko prvo than lol akate ko Kosovo . Prestavinen pe sar ashkalije numa egipchanja , sar bi lena vise tan bas intergracija . Amen na manga o Rroma te asimlirinen pe po gadje , ni ko albancija , manga pasho amaro dizutno pokret te garava rromani chib thaj kultura hem tradicija ,identiteti rromengo ko kosovo ,odoleja ka garava amari romani zajednica . Ko celo balkan akana djala o procesi intergacija rromengi – sar ka pene peljam tari havaj pa na valjan te integrishinen amen , a amen djivdina ke akala thana shelbershencar,  po mlo gndipa na valjani amenge integracija nego valjaani amenge harica than te ova jekhutne , te dolpe amenge shaipa te shaj mothova da hinam bucharne , hem jekhutne”

Hine tumen predizborno suzo spot kova lela  vise dikhipa ko drustvene mreze , numa sine tumen hem kampanja kotar o vudar dji ko vudar .  Kana vakerdjen e narodoja so vakerdje tumenge , save tane o naj bare problemija ?

  Ko amalikane mrezhe kerdjam i kampanja savi sine bash zapazimi . kerdjam hem kampanja kotar o vudar dzi ko vudar . na obechindzam nista , jer hovaven amen po buderi taro 20 bersh, amen e manushenge nudindzam lafi , nudina amaro muj hem vakera da ka kera buti basho promene . Rodindjam taro amare dizutne te oven  aktivno amencar basho promene hem gndinav da odote sovela o razlog so hinam jekhutni grupa dizutnengi numa dizutni inicijativa so isi ola duj prestavnikija ki skupstina . Amen hinam svesna da problemija isi but , numa rodindjam taro dizutne da ko promene save manga te ova jek olencar sar partnerija . Te na ovol me dindjum tuke mo avazi a tu valjaani mange te kere buti . Djanav da tu dindjan mange avazi numa palo odova te de mange i tu zir te shaj amalikane amari zor te phana te prominolpe diso . Sar so dikhljam i kampanja sinela efekti .

Savo tano o broj e manusngo dji kaste resljen ?

Resljam dzi ko  5 – 6 milje Rroma . Startuindjam dosta rano pana so na pisindje pe o elekcije . Kerdjam shukar mapiranje . Odova but pomozindja amen amare voloterijencar te araka , amare rromen hem te ashuna save ljenge problemija hem te vakera odolestar so gndina sar odola problemija te ana ko reso “

Savo tano o Hakaj ko Kosovo  basho  nacionake  minotitetija  ko elekcije?

Ko Kosovo isi garantuime e thana ko parlament bas pripadnikija tikne zajednicake . Bas o Roma ,Askalije hem Egipcanja isi 4 mandatija svako takmichinolpe ko po than e amalipasko . Amen osvojindzam 3.800 avazija hem sar vodeco stranka dobindzam pana jek poslaniko . zadovoljna hinam rezultatijencar uljam  parlamentarna grupacija hem gndinava akava i samo jek pozitivno starti ko pozitivno dzivdipa romengo ko Kosovo” vakerdja o Salijevich.

Da li planirinen nesavi koalicija aver rigencar ? Akava hine agurotno puchiba e Zurnalistisko PRODUKCIJA ROMA WORLD.

Svako dive puchena jek isto , mo phenipa tano  svako ko shaj te pherol amare osnovna nachela , amen hinam spremna , numa na samo te ovol odova samo vakeriba ko lil , nego te dogovorina amen ano chachipa save ka kerol shaipa jek pochetko poshukar djivdipasko basho amare manusha . Me djanav da odova nasti ovol prekal i rat ,  o problemija sar soj infrastruktura , keripa buti , sikljovipa , nane od erati , nego achona hem trajinen po but taro 20 bersh , numa manga te e Guverna taro Kosovo ovol garanti basho Rroma kola ka menjinen olengoro djivdipa ko Kosovo ” phendja o Gazmen Salijevich ko vakeriba bash Produkcija Roma World.

“Keriba taro akava tekst shaisarda EUROPEAN endowmwnt for democracy. Gndipa thaj ramosardipa ko akava teksti sikavena gndipa taro autori ko projekti „ Dodatna podrška EU medijima u Srbiji tokom pandemije COVID-19 – Podrška Roma World“ thaj na sikavi gndipa taro EUROPEAN endowment for democracy.“