Zajedničkim akcijama do sigurnog života!
Misija tari NGO Osvit, kova formirimo 2005.bersheste, tani emancipacija thaj amalikani afirmacija taro Rromnja thaj ćhave prekalo olengoro khuviba ko amalikane, socijalno, ekonomijake, sikljovipaske, kulturake thaj informativno bucha. Amalipa e rromnjengo Osvit kerola buti ko poshukaripa thaj arakhipa tari kultura thaj tradicija, bajraripa taro djandipa ko Rromnja thaj terne Rroma kobor importantno o sikljovipa, ekonomijako jekhipa, bajraripa o kvaliteti taro djivdipa, prekalo nasilje, na briga ki familija thaj lokalno amalipa, sar em te kerol buti ko sastipasko importanluko thaj po shukar than ko informishipa – adhajar ramosarol ki zvanično internet prezentacija taro Amalipa e rromnjegno Osvit.
Anglal o desh besrh, akaja organizacija phravdja angluno SOS telefoni ano kova o djuvlja kola trpinena mariba thaj maltretiriba shaj len azhutipa ki rromani ćhib. Akava azhutipa ovol avdive da, phenol basho Romaworld, Ana Sachipovich, manushni koja kerdja o Osvit.
„Foro Nish taro 1992. bersh sine SOS telefoni, sine ole than kote te kerol buti, thaj finansirimo taro lokalno budjeti. 2007.bersheste odoja usluga aćhili , a amen panda 2005.bersheste kerdjam buti ko SOS telefoni , angluno ki Evropa ko rromani ćhib, amare usluge akana shaj te koristine sare o djuvlja. SOS telefoni ki rromani thaj srbikani ćhib na finansiripe taro forutno budjeti, numa ako valjani ka adjakera panda 20 bersh, ama SOS telefoni ka ovol finansirino taro budjeti“.
Identiteti taro manushnja kola koristinen usluge taro SOS telefoni. Amen kerdjam lafi e mamnushnjencar kola keren buti ko akava projekti thaj den godi basho djuvlja kaske valjani akava azhutipa.
„Amen keraja buti rromane djuvljencar thaj srbikane, o rromnja tane duj drom diskriminisime sar djuvlja thaj sar rromnja. Ko akava bersh sine amen 136 akharipa ko telefoni taro odova po baro gendo tano taro djuvlja kola nake rromane.“, phenola Gordana Jovanovich konsultantkinja ko SOS telefoni.
“ Importantno mage te dav chachune informacije, a okoja koja tani viktima pi olate tano so ka kerol panda, mli buti te samo te dav informacije, mage so naje k magipa so o djivlja korkore na dikhen kova manush tano nasilniko, kana javinena pe me dav informacije, thaj phenav olenge basho nevo Krisi kova arakhi adjahar djuvlen, soj e buti taro kaljarde, thaj sa o procedure, numa kana o djuvlja na dikhena sar te ikljon tari pli situacija, mage em pharo soske nashti azhutinav olenge“, phenol Miljana Trajkovich konsultantkinja ko SOS telefoni.
Ovaj tv paket je deo projekta “Roma Fokus” koji sufinansira grad Niš, a realizuje produkcija Roma World.
